Ӕхсӕйвон зӕлтӕ.
Изӕрсарӕй билгон къус-къус кӕнуй
Донбеттӕри кизгӕн имонау,
Арви реубӕл бардзитӕ амонуй,
Стъалутӕ тӕхунцӕ фӕд-фӕдау.
Доникизгӕ биддитӕ райхалдта,
Сӕ тӕмӕнӕй дон цӕхӕр калуй,
Ӕхсӕвӕ ӕ нимӕт ӕритудда,-
Кизги 'фсармӕ цӕстингас даруй.
Кӕцӕйдӕр нидӕн зар ӕрбайгъусуй,
Мӕзгити дзулатбӕл фӕццӕфсуй,
Балердзауи бардзӕн мендар кӕнгӕй
Ӕхе цӕугӕдони багӕлдзуй.
Дуйне фунти донӕй ӕрӕхснадда,
Фӕскъӕвда ӕ циййес - ӕнхӕрсаг,
Гиттигин дӕркъӕ дӕр нӕбал заруй,
Сӕуӕхседтбӕл баст бони цолахъ.
Дзагурти Дигорхан.
16.07.2023.
Дзурдуат:
Ӕнхӕрсаг - вдобавок,в дополнение,
Гиттигин - рӕуӕгсӕр.
