Мони уайтӕ.
Гъазунцӕ, гъазунцӕ
Мистикъитӕ гъазунцӕ,
Дӕ сӕрӕй дин гъазунцӕ,
Дӕ тӕбӕгъӕй хуӕрунцӕ,
Ӕргом дӕбӕл ходунцӕ,
Хӕдзарӕй дӕ тӕрунцӕ,
Дӕ муггаг дин цодунцӕ.
Уадзун сӕ, уадзун сӕ,
Сувӕллӕнттау гъазӕнтӕ,
Мӕ таукелбӕл ходӕнтӕ,
Мӕ хуӕруйгаг хуӕрӕнтӕ.
Зонун ӕй, зонун ӕй,
Цудургъӕй нин цӕунцӕ
Нӕ ӕгомуг тӕрсттитӕ,
Хӕссунцӕ нин ристтитӕ.
Уогъуллу, уогъуллу,
Дуйней ниат уогъуллу,
Нӕ фӕтевзӕ - изӕддӕй,
Нӕ рахаст ба - дӕллӕгтӕй.
Мӕн хузи, мӕн хузи,
Сӕ ауодӕг мӕн хузи,
Кӕдимайди, еу хузи
Хуцауи хай не 'мвӕзи.
Дзагурти Дигорхан.
20.07.2023
