Искурдиадæ.
Къулдуни гъæу, дæ хуарздзийнадæ дæр æма фудраконд дæр мæ уоди хæццæ баст æнцæ ’ма мин дæуæй рахецæн нæййес. Мæ фæстаг уолæвди уæнгæ дæр, цийфæндий идарди уогæй æнкъардзæнæн дæ будурти уалдзигон тæф, изæйрон ирдгæ мæмæ æрбахæссуй цъизи дони унæр, нæййес феййевдзигæнæн еци дони унæрæн æндæри хæццæ.
Мæ гъудити дæмæ алли изæр нирраст ун устур надæй дзæгæрæг æфтуд акъадзи бæлæсти астæути, ’ма дзæгæрæги адгин тæфæй мæ сæр зелæгау фæккæнуй. Мам н бавгъау кæнæ дæ уалдзигон будурти фæлмæн уолæфт, ку дæмæ æрæздæхон, уæд.
Къулдуни гъæу, ду мин ракæнæ мæ фудкой дæр, фæммæ хайгин кæнæ гъæубæсти дзæбæх дзурдæй. Æнайеппæй мæ нæ рарвистай устур адæни æхсæнмæ, хуарздзийнадæй дæр мæ ду фæххайгин кодтай. Ма мин бавгъау кæнæ дæ рæвдуд, æз мæ уоди катай дæу номбæл бæттун æдзохдæр, дæуæн нивонд кæнун мæ къохи фæллойнæ. Мæ рæдури зин уаргъ мин исесæ мæ зæрдæй.
Къулдуни гъæу, дæу реуæй истахтæнцæ ме ‘взонги бонтæ цъæхахстгæнгæ ´ма ниппурх æнцæ Сурхи бæрзондбæл.
Лæварау мин райсæ дæ зæнхи гъармæ мæ уод, мæ фæстаг бон.
