МАХ БЕРÆ ЦÆРДЗИНАН
Цъизи дони билгæрони æхсæвæ ´й нур, æнæфонæ, фал нин рахецæн нæййес кæрæдземæй. Мæ хъури буни де ´хсицгон , фæлмæн уолæфт. Дæ бауæри алли фезмæлд дæр æнкъарун.
Дууæ уоди исеу æнцæ, ´ма тог æмцæф кæнуй. Æхсæви тарæй уги тарст гъæрæ фестъæлфис. Ма тæрсæ: æрдзæ уарзондзийнадæн æ хъозон æй, æзнаг ин нæ ´й.
Мах берæ цæрдзинан, æхсæви адгин сосæгдзийнадæ не ´вдесæн. Æнзти идарди , уæларви изæдбадæнтæй нæ уодти гъар хори фæлмæн тунти хæццæ хаудзæй зæнхæмæ ´ма уозæлдзæй уалдзигон деденæги бауæрбæл. Рæсугъд уарзти цийнæ не ´сæфуй, е æрдзи хъаурæ æй.
ФИНСТÆГ
Зин мин æй æна дæу, идарди уогæй. Мæ тингуни дин фæккæнун зæрдибунæй мæ дзубандитæ.Æрæгиау фембалдан: нæ зæрдити тæмæн ниффæлхуарæ æй.
Уæддæр мæ сосæг гъудитæ дæубæл нæ римæхсун. Мæ рæстдзийнадæ дæр, мæ тусхт дæр дæу хузæн ка балæдæра, уæхæн адæймаг нæййес зæнхæбæл. Мæ зин царди мин еунæг фæххуæцæн дæ. Хеуонæй, бийнойнагæй еу тæразæбæл æвдæрдæй, ду мæ еунæг фæххцуæцæн дæ. Æгæр зинаргъ мин дæ ‘ма мæ де стур дзурд дæр уомæн маруй.
Тухст рæстæг дæ ергъæвæн, де ‘ппæлой дзурд ма кæнæ, æз дæ хуарз лæдæрун. Де ‘нкъард каст, дæ цæститæй ци цæстисуг не ‘рхаудтæй, уой æз хуарз уинун, ‘ма ‘й ма римæхсæ. Цалинмæ нæ тоги мондаг цæфбæл нæ барæ нæма цæуй, - æрцо мæ размæ. Уоди рæстдзийнадæн кæнгæ миутæй баримæхсн нæййес. Дæ зæрди тæмæнæн е ‘рухтæ ма ‘лвасæ: уæддæр еу рæстæги æ кæнон кæндзæй. Цалинмæ нæма байрæги æй, уæдмæ æна фæливд дзурдæй æристæ мæ рази. Еунæг ду дæ мæ фæххуацæн æма мæ фенцойнæ!
