ХУЙМАНТИ ДРИСИ ЗАР
Уой, Донифарси молло сӕ мӕзгити заруй,
Салауат искодта;
Хуйманти Дрис Силтанухъи будурти
Йе 'нгарти сӕрбӕл и гиаурти хӕтдзӕ
Хъазауат искодта.
Уой, ку сӕмӕ дзоруй Дрис:
«Гъа, ӕз аци бони бони
Сумахӕй йеу къуар мӕрдтӕмӕ
Бацӕун кӕндзӕнӕн Советон хецауади сӕрбӕл!»
«Циколай будурти и кӕруӕги
Гъес*у ку зайуй;
И гиаурти фӕттӕй мӕбӕл
Мехау ку уаруй!
Дур-Дури курӕнттӕмӕ
Донаууст нӕ бал йес;
Мӕнӕн аци бон ме 'нгарти сӕрбӕл
Фатаурст нӕ бал йес!»
Ӕ уосиат ма, мӕгур, Дрисӕн
Бугъулиӕн Хамихъоти:
«Ӕз зӕнхӕбӕл бафтудтӕн,
Фал мӕ мадӕ ӕма мӕ дууӕ
Ӕрвади де уазӕг!»
Киристонгъӕуи базар ба
Согӕй байдзаг ӕй.
Хуйманти Дрисӕн ба
Ӕ топпи къаропкӕ Мӕскъиаги сӕри
Тогӕй байдзаг æй!
Радзурдта ӕй Махъоти Ӕвдул, 9 мартъи, 1928 анз, Цикола.
ЦИНИИ-йи архив, фольклор № 111, папкӕ 89, ф. 260.
