ДИГОРИ ГЪÆУТИ КАДÆНГÆ
Тамахса айтæ, нæ гъæутæ:
Москæ, Нарæ, Фæрæскъæттæ,
Дзинагъа, Устур Дигорæ,
Æхсæрисæр, Сурх-Дигорæ,
Хъусхæ-Майхуæ ʽма Дур-Дур,
Хусфæрæк æма Саур,
Ци хуарз айтæ, ци дзæбæх,
Киристонгъæу, Мостиздæх,
Ци рохс айтæ, зæрдеген,
Хæзнидон æма Лескен,
Дзæгъеппарз уа, Чикола, –
Бауарза уæ Никкола,
Æхсæргин, Къуссу, Гулæр,
Бауарзтон сумах æз дæр,
Мæ зæрдæн айтæ æ нор,
Одола, Фæснæл, Лезгор,
Рахатæд уæмæ йе ʻрух
Нæ Хуцау, Секер, Кæлух,
Арфиаг уотæ, нивгун,
И Къаматæ, и Толдзгун,
Мæ уодæй æз дæн уæ хæццæ,
И Æхсæуæ, и Уæхъæцæ,
И Къумбултæ, Донифарс,
Задæлескæ – Нанай уарзт!
Ма уæбæл уæзæд æруæзæ,
Мæстинокæ ʽма Хæнæзæ,
Дунтæ, Къæмунтæ, Гæлйат, –
Ка уæ фæууодзæй нимад?!.
Уæ уодихуасæ – Ирæф,
Ци кæдзос æй, ци æдзæф,
Ци бæрзонд æй, ци урдуг æй, –
Ци гъæздуг æй цæстисугæй?!.
10.06, 08.12.2022
