О дигорæ, о ирæнттæ,
Нæ цъилинга ниххустæй,
Ниттар æнцæ гъомус-бæнттæ,
Нæ урухснæ фæггуз æй?..
Ниббедауи ʻнцæ нæ хъортæ,
Æркунæг æй нæ ес-бес? –
Ци рæдзæхсæн зæрди нортæ,
Цæмæн хуæрæн нæ гъун-гъес?
Нæ еувæрсти ци фецауй –
Нæ бæлах æви амонд,
Ци сайтан нин исхецау æй,
Ци нæбæл кæнуй æскъот?
Куд ин бухсунцæ нæ фæрстæ,
Куд уадзу́нцæ ʻй æнгæрон? –
Гъе фестадан еу-æррæстæ,
Еу-æррæстæ – къудурон?!.
12.12.2022
Дзурдуат:
Цъилинга – керосиновая коптилка
Гъомус – сила, мощь, могущество
Урухснæ – быстрое движение, кружение
Фæггуз ун – не удаться, сорваться (какое-л. дело, действие)
Бедауи кæнун – увеличиваться, умножаться
Нор – яхонт, бриллиант
* * *
Нæ лæдæрун, ци ниххиттæй
Зæрди тæгти маст-дойрон,
Фæййæрхъез æй уод тугъдтитæй,
Нихъхъæзалæ йæй бунтон...
Цæмæн ниццæй хъурмæ-унгæг
Æнай-æнойти дуйне? –
Æнæуагæ асес дунгæн
Бауорамæнтæ нæййе?
О Уаза́й мегъæ, æруарæ,
Ду – нæ уацæ, нæ хуæрзæг, –
Цæй, æрцо нæмæ, нæ фарнæ,
Нæ байдауæн, нæ æцæг!..
12.12.2022
Дзурдуат:
Дойрон – каменный, окаменевший
Асес дунгæ – порывистый ветер
Байдауæн – конец, завершение
* * *
Нæ лæдæрун, ци ниххиттæй
Зæрди тæгти маст-дойрон,
Фæййæрхъез æй уод тугъдтитæй,
Нихъхъæзалæ йæй бунтон...
Цæмæн ниццæй хъурмæ-унгæг
Æнай-æнойти дуйне? –
Æнæуагæ асес дунгæн
Бауорамæнтæ нæййе?
О Уаза́й мегъæ, æруарæ,
Ду – нæ уацæ, нæ хуæрзæг, –
Цæй, æрцо нæмæ, нæ фарнæ,
Нæ байдауæн, нæ æцæг!..
12.12.2022
Дзурдуат:
Дойрон – каменный, окаменевший
Асес дунгæ – порывистый ветер
Байдауæн – конец, завершение
ЗУМÆГ, ÆРХЕЗÆ!
Кæдмæ хелдзæй зæрдæрхъезæйНæ дзилагæ, нæ ахил?..
Ду уæддæр, зумæг, æрхезæ,
Æрцæйуадзæ дæ тъæфил.
Ком, гъæрǽнгти ниццæйхауæ,
Барæвдауæ уод-дивил, –
Салд бауǽрбæл æритауæ
Фæлмæн уæргъунау, уорс фил.
Кем ка хæссуй нæ фалдзосмæ,
Фæттогтарст уæд æ й'ахил, –
Фæццæйледзæд ни æносмæ
Æ дзахáнамæ ивил.
11.12.2022
Дзурдуат:
Зæрдæрхъез – надтреснутое, надломленное сердце
Дзилагæ – род, потомство
Ахил – поколение, род
Гъæронг – лощина в горах
Уæргъун – поярок (шерсть молодого барана)
Фил – одеяло из овчины
Кем – зло
Тогтарст – великий страх, страх в жилах
Дзахана – ад, преисподняя
Ивил – дьявол
* * *
Уалæ мæйæ ци майдард æй,
Уалæ стъалу ци ирд æй,
Ка ке тавуй æ цъæх артæй,
Ка ке соруй æ ирдгæй?..
Кæмæ лæсуй гъузгæ-гъузгæй
Мегъи пъæсту-узунæг, –
Ке фалдон цæфсуй тæкъузгæ,
Ке алдон гъизуй зумæг?..
Æрнигъулдæй ке дзæхæрай
Мет-горцъей бун æ тиллæг,
Ке дзумард зæрди цæхæрæй
Исæрттивта дидинæг?..
Нæ цæститæ ʻма не ʻвзæгтæ
Ма сайæнтæ еу инней, –
Зум-зумæгтæ ʻма уалдзæгтæ
Æййевæнтæ кæрæдзей!..
09.12.2022
Дзурдуат:
Тæкъузгæ – рябина
Дзумард – щедрый
