Мæ Дигора, мæ сау сагъæс,
Цæстæмæгæсгæй исафис.
Дæ пайдайæн, дæ соцъайæн
Дæ цæсгом уæйæ кæнис…
***
Нæ фиддæлтæй рагон цардбæл
Кадæнгитæ фегъустан.
Боз нæхецæй, æппæлæн си,
Фал бæгъатæрдæр не’ссан.
***
Берæгътау кæрæдзей ци хуæретæ?
Кæрæдземæ цæмæн æй уæ маст?
Уæ мæрдтæеу рауæн ку’йвæретæ,
Уæ бæстæ ку уарзетæ тухуарст.
Еу зæнхи реуæй хаст ку’рцудайтæ,
Иннæ адæмæй хецæн уе’взаг.
О, мæ адæм, æрлæмбунæг уайтæ-
Байтауетæ уæ номбæл муггаг.
***
Мæ адæм, дигори карз адæм,
Кувтайтæ алкæд лæгдзийнадæн.
Дæ зари, дæ цийни, дæ кувди
Феронх дæ лæмæгъи, рæсугъди.
Тухгини, æнæ тæрсгæ лæги
Некæд ниууагътай ду нимади.
Мæ уарзон Дигори карз адæм,
Нурдæр ма коветæ уæ кадæн?
